Teatri historik i Argjentinës rihapet mes kulmit të virusit (VIDEO)

Teatri i famshëm argjentinas Colón u hap përsëri të premten pas një pushimi të detyruar për shkak të bllokimit si pasojë e koronavirusit.

Adhuruesit e muzikës u pritën me një performancë të Mahler-it “Das Lied von der Erde”, interpretuar nga Orkestra Filarmonike e Buenos Aires.

Teatri Colón është një nga teatrot më të rëndësishme të Amerikës së Jugut.

Ky teatër është detyruar të mbyllet dy herë gjatë pandemisë për shkak të kufizimeve në vendet e muzikës, restorantet dhe palestrat, raporton AP, transmeton Klankoosova.tv.

Rihapja vazhdoi midis një lehtësimi të masave të bllokimit, pavarësisht një rritje të re në rastet e koronavirusit dhe rreth 500 vdekjeve të përditshme nga COVID-19 në ditët e fundit.

Deri më tani, Argjentina ka regjistruar 4.4 milionë raste të koronavirusit dhe më shumë se 94,700 vdekje, sipas Universitetit Johns Hopkins.

Vetëm 9 për qind e popullsisë është vaksinuar dyfish.