Sulm i armatosur në një xhami në Afganistan, pesë të vdekur

Persona të armatosur sulmuan një xhami në Afganistanin perëndimor të hënën në mbrëmje gjatë kohës së namazit, duke vrarë të paktën pesë persona, tha një zëdhënës i guvernatorit të provincës.

Të vdekurit përfshinin një grua dhe një fëmijë, dhe tre persona u plagosën gjithashtu, tha të martën Maëlaëi Nesar Ahmad Alyes, zëdhënës i guvernatorit të provincës.

Identiteti i sulmuesve nuk ishte i qartë. Talibanët kanë thënë se janë të përqendruar në rivendosjen e sigurisë që nga marrja e pushtetit pasi forcat e huaja u tërhoqën në vitin 2021, por sulmet që synonin xhamitë dhe ndërtesat qeveritare kanë vazhduar pavarësisht përfundimit të luftës 20-vjeçare, shkruan Reuters, transmeton Klankosova.tv.