Suhareka feston ditëlindjen e Kobës (VIDEO)

Personaliteti i dashur nga banorët e Suharekës, Koba, i cili është me sindromën Down, sot mbushi 40 vjet.

Tifo klubi “Xhebrailat” kanë qenë iniciatorë që kjo ditëlindje t’i festohet ndryshe.

Kryetari i Komunës së Suharekës, Bali Muharremaj, për Klan Kosova deklaroi se plani ishte që të bëhej një festë e madhe me koncert, por për shkak të pandemisë kanë vendosur që t’i respektojnë udhëzimet dhe kufizimet e IKSHPK-se dhe Ministrisë së Shëndetësisë.

Ndërkaq, Koba u shpreh shumë i lumtur në momentin kur miqtë e surprizuan dhe ia sollën tortën dhe i kënduan këngën e ditëlindjes.

Me emocione të njëjta u pa edhe vëllai i tij, i cili tha se i pëlqeu surpriza dhe se është mirënjohës që Koba gëzon respekt kaq të madh aty.