Spitali i Prizrenit: Nëna dhe bija që u plagosën nga bashkëshorti, në gjendje stabile

Dy viktimat, nëna dhe bija që u therën me thikë në orët e para të së premtes nga bashkëshorti, përkatësisht babai, janë në gjendje stabile shëndetësore.

Lajmin për Klankosova.tv e ka bërë të ditur shefi i Emergjencës në Spitalin e Prizrenit, Hekuran Veçgishti.

Ai njoftoi se gjendja e dy pacienteve është stabile, anipse të dyja gjenden në përkujdesje intensive.

Të premten, Prokuroria Themelore në Prizren, Departamenti për Krime të Rënda, ka njoftuar se rreth orës 00:20, policia ka pranuar dhe intervenuar për një rast të dhunës në familje në rrugën “Rexhep Kabashi” në Prizren.

“Gjatë intervenimit, në hyrje të banesës është identifikuar dhe arrestuar i pandehuri i cili është shoqëruar në stacionin policor për procedura të mëtejme”, u bë e ditur në njoftim.

Për rastin, Klankosova.tv ka raportuar dje gjatë ditës.

Rast i rëndë në Prizren: Burri dyshohet se theri me thikë gruan dhe vajzën e mitur

Incidenti brenda familjes në Prizren: Nëna me të bijën në gjendje të rëndë pas therjes me thikë

“E pashë gruan e gjakosur”, dëshmitari tregon momentet e tmerrit nga therja me thikë në Prizren