Shumica shtetas të huaj, çka dihet për zjarrin vdekjeprurës në Spanjë

Trupat e 11 personave që humbën jetën nga zjarri janë gjetur në dhe përreth fshatit të vogël Bedar, pranë Los Gallardos, në rajonin Andaluzia të Spanjës jugore.

Ministri rajonal për Shëndetësi dhe Emergjenca, Antonio Sanz, ka deklaruar se shumica, ose edhe të gjithë viktimat, mund të jenë shtetas të huaj.

Sipas tij, katër persona janë gjetur të bllokuar brenda një automjeti dhe dyshohet se mund të jenë me origjinë britanike, pasi makina kishte timon në anën e djathtë, shkruan BBC, transmeton Klankosova.tv

 Megjithatë, ende nuk ka konfirmim zyrtar për shtetësinë e viktimave.

Autoritetet në Andaluzi kanë bërë të ditur se 19 persona të tjerë rezultojnë të zhdukur, ndërsa tetë persona janë lënduar, katër prej tyre në gjendje të rëndë.