Shtyhet sërish seanca ndaj Berishës, ja kur mbahet e radhës

Është shtyrë sërish seanca paraprake për Kryetarin e Partisë Demokratike, Sali Berisha.

Gjykata e Posaçme e Shkallës së Parë kundër Korrupsionit dhe Krimit të Organizuar (GJKKO) ka njoftuar se seanca për dosjen “Partizani” u shty për më 13 mars, raporton Euronews.al.

Gjatë kësaj seance, mbetet për t’u bërë mbrojtja dhe do të diskutohet nëse dosja do të kalojë apo jo për gjykim.

Berisha, kreu i Partisë Demokratike është nën masën e sigurisë “detyrim paraqitje”.

Ai është i detyruar të paraqitet në Prokurorinë e Posaçme çdo të hënë të javës së parë dhe të tretë të çdo muaji.