Shtatë palestinezë u vranë dhe 32 të tjerë u plagosën, sot në Rripin e Gazës

Shtatë palestinezë u vranë dhe të paktën 32 të tjerë u plagosën, sot në bombardimet izraelite në Rripin e Gazës.

Avionët luftarakë izraelitë nisën një seri sulmesh ajrore kundër pjesëve veriore dhe perëndimore të kampit të refugjatëve Nuseirat, duke vrarë katër palestinezë dhe duke plagosur 15 të tjerë.

Avionët luftarakë izraelitë filluan tre sulme ajrore në lagjen Zaitoun të qytetit të Gazës, duke vrarë tre dhe duke plagosur 10 të tjerë, raporton Agjencia palestineze e lajmeve Wafa, transmeton Klankosova.tv.

Avionët luftarakë shënjestruan gjithashtu qytetin Jabalya dhe kampin e refugjatëve në Rripin verior, duke plagosur shtatë, përfshirë tre fëmijë.

Ndërkohë, artileria e okupimit izraelit bombardoi kampet e refugjatëve al-Bureij dhe al-Maghazi në Rripin qendror, lagjet Tal al-Hawa, Sheikh Ijlin dhe az-Zaytoun në qytetin e Gazës, si dhe afërsi të kullave Sheikh Zayed në Beit Lahia.

Në Rripin jugor, artileria shënjestroi shtëpi civile në zonën lindore të qytetit të Khan Younes.