Shkon në gjashtë numri i policëve të vrarë nga sulmi me armë në Dagestan të Rusisë

Ka shkuar në gjashtë numri i oficerëve të vrarë të policisë dhe në 12 i të plagosurve pasi persona të armatosur kanë shtënë me armë zjarri në rajonin e Dagestanit të Rusisë, tha ministria e saj e Brendshme.

Sulmet kishin në shënjestër një sinagogë dhe një kishë ortodokse në Derbent, si dhe një postë të policisë rrugore më vonë në Makhachkala.

Sipas raportimeve, në sulmet u vra edhe një prift. Dy nga personat e armatosur thuhet se janë qëlluar për vdekje.

Gjithashtu u raportua se disa sulmues ishin të izoluar në një ndërtesë në Derbent, të cilën policia po përgatitej ta sulmonte.

Një operacion kundër terrorizmit po vazhdon për të kërkuar për persona të armatosur në Derbent dhe Makhachkala, që është qyteti kryesor administrativ në Dagestan, tha në një deklaratë komiteti kombëtar antiterrorist i Rusisë, shkruan Skynews, transmeton Klankosova.tv.