Rodrygo e kalon me sukses operimin

Ylli i Real Madridit, Rodrygo, e ka kaluar me sukses operimin.

Sezoni për të tashmë ka përfunduar, pasi që braziliani i kishte këputur ligamentet në ndeshjen ndaj Getafes.

Rikthimi i tij pritet të ndodh në fillim të sezonit të ardhshëm.

Pas operimit, ai postoi në faqen e tij një shkrim emocional për fansat e tij dhe të madrilenëve.

“Sot fillon një histori e re. Një Rodrygo i ri ka lindur. Jam gati të kaloj nëpër të gjithë këtë proces dhe të jetoj bekimet e Zotit në jetën time”. “Shumë mirënjohës për çdo mesazh dashurie. Faleminderit Zotit, gjithçka shkoi mirë në operacion”, ka shkruar ai.