Revolucion në kalendarin e kombëtareve, FIFA konfirmon ndryshimin

FIFA do të bëjë ndryshime në kalendarin e ndeshjeve të ekipeve kombëtare në sezonin e ardhshëm.

Planifikohet që pushimi i parë për kombëtaret në sezonin e ri të jetë më i gjatë. Organizata drejtuese e futbollit botëror, FIFA, do të zbatojë një rregull të ri që do të hyjë në fuqi në sezonin 2026/27 për kalendarin e ndeshjeve të kombëtareve.

Ndërkohë që më parë vihej në funksion nga një pushim në shtator dhe tetor, me sezonin e ri këto dy periudha do të bashkohen.

Sipas kësaj, pushimi i parë për kombëtaret në sezonin e ardhshëm do të zhvillohet nga 21 shtatori 2026 deri më 6 tetor 2026, raporton Klankosova.tv.

Pas këtij ndryshimi, gjatë pushimit të kombëtareve do të luhen 4 ndeshje.

Sipas lajmit të publikuar në BBC, në këtë periudhë do të zhvillohen 4 ndeshjet e para të Ligës së Kombeve të UEFA-s, ndërsa kalendari i ri do të mbetet në fuqi deri në vitin 2030.