Rasti ndaj Thaçit dhe të tjerëve, sot mbahet konferenca mbi ecurinë e çështjes

Në Dhomat e Specializuara të Gjykatës së Hagës sot mbahet konferenca për ecurinë e çështjes në rastin  Hashim Thaçit, Kadri Veselit, Rexhep Selimit dhe Jakup Krasniqit.

Kjo konferencë mbahet nga ora 09:00.

“Siç ka njoftuar Trupi Gjykues, palët do të takohen nesër, më 19 shkurt në ora 09:00, në një Konferencë për ecurinë e çështjes për të diskutuar lidhur me hapat e ardhshëm procedural”, u bë e ditur në një njoftim të kësaj gjykate një ditë më parë, transmeton Klankosova.tv

Të martën, atje ka përfunduar dëshminë dëshmitari i 122-të që mban kodin W04491 dhe ai ishte dëshmitari i fundit për këtë javë.