Puthje festive në tribuna, yjet e Anglisë festuan fitoren ndaj Kroacisë me partneret

Futbollistët e Anglisë festuan me entuziazëm me partneret e tyre në tribunat e stadiumit pas fitores 4:2 ndaj Kroacisë në ndeshjen hapëse të Kupës së Botës.

Mes atmosferës festive, sulmuesi Harry Kane, autor i dy golave për Anglinë, shkëmbeu një puthje me bashkëshorten e tij, Kate Kane, ndërsa Jude Bellingham festoi suksesin me të dashurën e tij, Ashlyn Castro, transmeton Klankosova.tv

Edhe portieri Jordan Pickford u pa duke puthur bashkëshorten e tij, Megan Pickford, e cila tërhoqi vëmendjen me veshjen e saj të frymëzuar nga Teksasi, duke mbajtur një kapelë xhinsi kaubojsi në tribunat e Dallasit.

Anglia e nisi ndeshjen në mënyrë ideale, me kapitenin Harry Kane që realizoi nga pika e bardhë. Megjithatë, Kroacia reagoi duke barazuar rezultatin. Kane riktheu avantazhin për anglezët me golin e tij të dytë, por kroatët gjetën sërish rrugën drejt barazimit.

Në pjesën e dytë, “Tre Luanët” ngritën ritmin dhe Jude Bellingham realizoi golin që i dha epërsinë Anglisë. Goli i tretë ndezi festën në tribunat angleze, ku partneret e futbollistëve brohorisnin për skuadrën e tyre, e cila më pas vulosi fitoren në ndeshjen e parë të turneut. /Klankosova.tv