Pse shpesh vjen mot i stuhishëm pas valëve të nxehta?

Stuhitë e verës shpesh pasojnë periudha me temperatura të larta, pasi ngrohja e tokës dhe e shtresave të ulëta të atmosferës krijon kushte të paqëndrueshme të ajrit.

Kur ajri i nxehtë dhe i lagësht ngrihet lart dhe përzihet me masa më të ftohta, ai ftohet dhe kondensohet, duke formuar re të fuqishme stuhie që mund të sjellin shi të rrëmbyeshëm, bubullima, breshër dhe erëra të forta, transmeton Klankosova.tv.

Sipas meteorologëve, gjatë verës shpesh depërton ajër shumë i nxehtë nga Afrika e Veriut, i cili kontribuon në valë të nxehti. Por stuhitë nuk shkaktohen vetëm nga nxehtësia, por edhe nga ndryshimet në atmosferë dhe lagështia e lartë.

Kur këto kushte bashkohen, zhvillohen re konvektive si kumulonimbuset, të cilat janë përgjegjëse për fenomene më ekstreme të motit.