Programi Botëror i Ushqimit ndërpret dërgesat në Gazën veriore

Programi Botëror i Ushqimit ka ndërprerë dërgesat e ushqimit “për të shpëtuar jetë” në Gazën veriore, duke thënë se autokolonat e ndihmave kishin duruar “kaos dhe dhunë të plotë për shkak të rënies së rendit civil”.

Agjencia thotë se vendimi nuk është marrë lehtë dhe ekuipazhet janë përballur me turma, të shtëna me armë zjarri dhe plaçkitje, shkruan bbc, transmeton klankosova.tv

OKB-ja ka paralajmëruar për urinë në veri që nga dhjetori.

WFP ( World Food Programme), thotë se këto raporte të fundit janë prova e një “rrëshqitjeje të shpejtë drejt urisë dhe sëmundjeve”.

Ushtria izraelite urdhëroi 1.1 milionë civilë palestinezë që të evakuojnë të gjitha zonat në veri të Wadi Gazës dhe të kërkojnë strehim në jug në fillim të ofensivës së saj tokësore në tetor.

Zona e evakuimit përfshinte qytetin e Gazës – i cili para luftës ishte zona më e dendur e populluar e territorit.