Prodhimi global i verës më i keqi në 62 vjet për shkak të ‘ngjarjeve ekstreme klimatike’

Zjarret, thatësira dhe kushtet e tjera që zakonisht lidhen me ndryshimin e klimës globale, kanë kontribuar shumë në bërjen e prodhimit të verës në botë për vitin 2023, më të keqin në 62 vjetët e fundit, kanë raportuar zyrtarët e industrisë.

Raporti “Gjendja e Sektorit të Hardhisë dhe Verës Botërore më 2023”, i publikuar të enjten nga Organizata Ndërkombëtare e Hardhisë dhe Verës me qendër në Francë, përmend “kushtet ekstreme mjedisore” si shkakun kryesor të një rënieje prej 10% të prodhimit global të verës në vitin 2023.

John Barker, drejtor i organizatës së verës, tha se “thatësira, nxehtësia ekstreme dhe zjarret, si dhe shiu i madh që shkakton përmbytje dhe sëmundje kërpudhore në rajonet kryesore të prodhimit të verës në hemisferën veriore dhe jugore”, ishin faktorët kryesorë në uljen e prodhimit global të verës.

Rënia prej 10% është rënia më e madhe në botë e prodhimit të verës në 62 vjet, sipas raportit të industrisë. Vjelja e rrushit ishte më e keqja e raportuar që nga viti 1961.

Një rënie prej 26% në prodhimin e verës në Australi dhe një rënie prej 23% në Itali i bën ato kombe më të këqijat në vitin 2023. Spanja humbi më shumë se 20% të prodhimit të verës dhe Kili dhe Afrika e Jugut shënuan secila rënie nga 10%.

Franca, prodhuesi më i madh në botë i verës, shënoi një rritje prej 4% vitin e kaluar, thotë raporti.