Policia në Gjilan për një javë shqipton mbi 1000 gjoba trafiku

Njësia rajonale e trafikut rrugor dhe stacione policore në Gjilan gjatë një jave në vazhdën e implementimit të planit operativ ‘’Siguria në trafikun rrugor’’ kanë realizuar aktivitete në zonën e përgjegjësisë që mbulon shtatë komuna.

Gjatë kësaj periudhe janë shqiptuar 1 mijë e 297 gjoba për kundërvajtësit të cilët kanë rënë ndesh me ligjin për rregullat e trafikut rrugor, përcjell Klankosova.tv.

Po ashtu në kuadër të këtij plani janë ndërmarr aktivitete edhe në:

Hetim i 16 aksidenteve të trafikut me dëme materiale;

Hetim i 21 aksidenteve të trafikut me të lënduar;

Iu shqiptuar masa e ndalim drejtimit të mjeteve motorike për 25 ngasës;

Janë përjashtuar nga komunikacioni 13 motoçikleta.

Njësiti rajonal i trafikut rrugor në kuadër të implementimit të planit operativ “Brezi i sigurisë” ka shqiptuar po ashtu 55 gjoba ndaj ngasësve dhe pasagjerëve të cilët janë hasur në komunikacion pa e vendosur brezin e sigurisë në mjet.