Policia jep detaje për aksidentin në Mitrovicë ku vdiq një person

Një i vdekur dhe një i lënduar, është bilanci i një aksidenti i cili ndodhi sot në Mitrovicë.

Kështu njoftoi për Klankosova.tv zëdhënësi i policisë për rajonin e Mitrovicës, Avni Zaiti.

Zaiti tha se në aksident ishin të përfshirë tri automjete, një veturë , një kamionetë dhe një motoçikletë, ku si pasojë ka vdekur një motoçiklist.

“Rreth orës 16:40 është raportuar për një aksident trafiku me pasojë fataliteti i shkaktuar në dalje të Mitrovicës në rrugën nacionale Mitrovicë – Leposaviq. Në aksident janë përfshirë tri automjete një veturë , një kamionetë dhe një motoçikletë, ku si pasojë e lëndimeve të pësuara në aksident ka humbur jetën motoçiklisti. Ndërsa lëndime ka pësuar edhe një person tjetër i cili po trajtohet ne Spitalin Rajonal në Mitrovicë. Njësitet përkatëse policore kanë dalë në vendngjarje dhe po zhvillojnë hetimet për aksidentin”, tha ai.

Lidhur me rastin më herët ka raportuar edhe Klankosova.tv.