Po vjen dokumentari për Knicks…nga Ben Stiller

Aktori Ben Stiller ka zbuluar se po punon në një dokumentar për rrugëtimin historik të klubit basketbollistik, New York Knicks.

Klubi njujorkez arriti sivjet të fitojë titullin e parë në NBA pas plot 53 vjetësh pritje.

Stiller nuk kishte munguar në ndeshjet kryesore të tyre, madje duke xhiruar me telefonin e tij buzë palestrës.

Ai e diskutoi projektin gjatë paraqitjes së tij në podkestin e dy yjeve të Knicks, Jalen Brunson dhe Josh Hart, “Roommates”.

“Ne zyrtarisht po e bëjmë një dokumentar për New York Knicks për HBO-në, dhe po e bëjmë me A24-shin, në bashkëpunim me MSG-në dhe NBA-në”, tha Stiller.