Përkundër insistimit të Fenerbahçes, Nkunku do të mbetet te Milani

Fenerbahçe, që ka nisur me shpejtësi afatin kalimtar të dimrit dhe synon të forcojë repartin e sulmit, ka marrë lajme negative në lidhje me Christopher Nkunkun.

Sipas raportimit të gazetarit të Sky Sport DE, Florian Plettenberg; pavarësisht këmbënguljes së klubit turk, sulmuesi francez dëshiron të qëndrojë te Milani. Gjithashtu, pretendohet se për momentin nuk ka asnjë marrëveshje mes Fenerbahçes dhe Milanit apo menaxherit të lojtarit.

Në sezonin 2025/26, Nkunku, i cili u transferua te Milani nga Chelsea për 35 milionë euro, ka zhvilluar 14 ndeshje, duke shënuar 3 gola dhe dhënë 2 asistime./Klankosova.tv