Pentagoni s’beson që Irani do luftë me SHBA-në, as Washingtoni nuk do luftë

Pentagoni tha se nuk beson se Irani po kërkon një luftë me Shtetet e Bashkuara dhe se as Washingtoni nuk dëshiron një luftë.

Duke i bërë jehonë Shtëpisë së Bardhë pak më herët, deklarata e Pentagonit erdhi një ditë pasi një grup i mbështetur nga Irani vrau tre ushtarë amerikanë dhe plagosi dhjetëra të tjerë në Jordani, raporton Reuters, transmeton Klankosova.tv.

Një zëdhënëse e Pentagonit, Sabrina Singh, fajësoi Iranin për mundësimin e grupeve që sulmonin Shtetet e Bashkuara dhe tha se sulmi i fundit mbante “gjurmët” e Kataib Hezbollahut të mbështetur nga Irani.

“Ne nuk kërkojmë luftë, por do të ndërmarrim veprime dhe do t’i përgjigjemi sulmeve ndaj forcave tona”, tha ajo.