Pelikanët po i sjellin telashe liderit të NBA-së, e barazojnë serinë (VIDEO)

New Orleans Pelicans e ka barazuar në 2:2 rezultatin e serisë ndaj liderit të NBA-së, Phoenix Suns.

Brandon Ingram edhe njëherë u tregua kyç duke realizuar më së shumti pikë në ndeshje, gjithsej 30.

Lojë të hatashme te vendësit pati edhe Jonas Valanciunas që realizoi dyshifror të dyfishtë prej 26 pikësh e 15 kërcimesh.

Ndërkaq, DeAndre Ayton ishte pikëshënuesi më i mirë te mysafirët me 23 pikë, teksa mungonte Devin Bookeri nga lëndimi, dhe Chris Paul pati një natë të tmerrshme ku shënoi vetëm katër pikë.