Na ndiqni në:


Get it on Google Play Download on the App Store

Pas 13 vitesh, Hülkenberg prek podiumin e parë në karrierën e Formula 1

NULL NULL
06.07.2025 18:16

Pas një karriere të gjatë dhe plot pritje, Nico Hülkenberg ka arritur më në fund të sigurojë një vend në podiumin e Formula 1.

Piloti gjerman 37-vjeçar, që garon për ekipin Kick Sauber, e mbylli Çmimin e Madh të Britanisë së Madhe në Silverstone në vendin e tretë, një sukses i papritur në garën e tij të 239-të në F1, transmeton klankosova.tv.

Hülkenberg, i vetmi gjerman aktual në “mbretëreshën e garave”, përfitoi nga kushtet e vështira me shi dhe ngjarjet e paparashikueshme që ndodhën gjatë garës. Kjo shënon fundin e një “thatësire” të gjatë pa podium për pilotin nga Rheinland.

Fitorja sipas sportsky, shkoi për Lando Norris me McLaren, i cili la pas shokun e tij të skuadrës Oscar Piastri. Australiani Piastri ruan kryesimin në renditjen e përgjithshme, përpara Norris.

Ndërkohë, kampioni në fuqi Max Verstappen pati një garë të vështirë. Pas një gabimi në fund të fazës me makinën e sigurisë (Safety Car), holandezi humbi pozicionin e dytë dhe përfundoi garën në vendin e pestë, duke humbur terren në renditjen për titullin kampion.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

lajme të ngjashme