Numri i të shëruarve nga koronavirusi në mbarë botën kalon 300 mijëshin

Numri i njerëzve në të gjithë botën që kanë marrë veten nga koronavirusi i ri kaloi 300,000 të mërkurën herët, sipas shifrave të përpiluara nga Universiteti Johns Hopkins.

Që kur u shfaq në Ëuhan, Kinë dhjetorin e kaluar, koronavirusi është përhapur në të paktën 184 vende dhe rajone në mbarë globin, me numrin e rasteve të konfirmuara që tani kalojnë 1.42 milion, njofton Klan Kosova.

Numri i vdekjeve në të gjithë botën është 81.865.

Italia, Spanja, Franca dhe SHBA vazhdojnë të jenë vendet më të goditura sa i përket numrit të viktimave.

Italia ka raportuar numrin më të lartë të vdekjeve nga virusi me 17,127, i ndjekur nga Spanja me 14.045 dhe Franca me 10.343.

SHBA ka raportuar 6.171 vdekje, ndërsa Irani ka raportuar 3.872.

Që nga e marta në mbrëmje, numri i të vdekurve në SHBA kishte kapërcyer 12.700.

Shumë vende kanë kufizuar udhëtimet e njerëzve.

Organizata Botërore e Shëndetit e shpalli sëmundjen pandemi në muajin e kaluar dhe epiqendra kaloi në Europë.