Njeriu ulet pranë të huajit që duket tamam si ai në aeroplan

Neil Douglas është tronditur kur është ulur pranë “kopjes” së tij në fluturimin me aeroplan nga Stansted për në Galway.

Njeriu me mjekër të kuqërremë dhe binjaku i tij i panjohur – një londinez misterioz – e vunë re ngjashmërinë mes tyre menjëherë, transmeton Klan Kosova.

Të lumtur që e kanë gjetur njëri tjetrin, dyshja e bënë një fotografi selfie duke buzëqeshur, e cila është postuar në rrjetet sociale nga Lee Beattie – një shoqe e gruas së Neil.

Ajo shkroi: “Njeriu në të djathtë është bashkëshorti i shoqes sime, ndërsa ai në të majtë është një i huaj, të cilin ai e takoi mbrëmë në aeroplan!”.

Më vonë ajo shtoi: “Nuk mund të ndaloj së shikuari këtë fotografi. Ata janë aq të njejtë”.

Me flokë të ngjyrës së njejtë dhe tiparet e fytyrës po ashtu, burrat mund të cilësoheshin si binjakë identikë. Por ata nuk kanë asnjë lidhje familjare mes vete – dhe kjo i ka çuditur të gjithë.

Fotografia e cila është postuar në Twitter para pak orësh, është shpërndarë afro 2.000 herë.