Një polic suspendohet nga detyra për shkak të mospërfilljes së urdhërave lidhur me pandeminë Covid-19

Inspektorati i Policisë së Kosovës e ka arrestuar një zyrtar policor lidhur me dyshimet se jashtë detyrës zyrtare nuk ka përfillur urdhrat bazuar në vendimet qeveritare lidhur me pandeminë Covid 19.

I dyshuari i cili bartë gradën e togerit ngarkohet me veprën penale “Mosveprim sipas dispozitave shëndetësore gjatë epidemisë”.

Me vendim të prokurorit të njëjtit i është caktuar masa e ndalimit për 48 orë, njofton Inspektorati i Policisë përcjell Klan Kosova.

Ai është suspenduar nga detyra.

Veprimet e mëtutjeshme hetimore lidhur me këtë rast do të vazhdojnë nga hetuesit e IPK-së në konsultim të vazhdueshëm me prokurorin përgjegjës.