Një gjë e rrallë po ndodh në hapësirë, Mërkuri kalon mes Tokës dhe Diellit

Planeti Mërkur, po bën një kalim direkt nëpërmes fytyrës së diellit për herë të parë në 10 vjet, dhe hijet e tija do të shfaqen në Amerikën Jugore, në Afrikë, në Europën Perëndimore dhe në Veri të Amerikës, raporton Al Jazeera, transmeton Klan Kosova.

Mërkuri, që është shumë më i madh se hëna e Tokës, është shumë i vogël që të shihet  pa teleskop, duke paralajmëruar se të shikuarit e diellit pa mbrojtje gjatë kohës sa Mërkuri do të shfaqet, mund t’i dëmtojë sytë.

“Askush s’duhet të shikojë diellin direk në mënyrë që ta shohë Mërkurin, sepse është shumë e rrezikshme”, ka thënë Robert Massey, nga Shoqata Mbretërore e Astronomisë në Britani të Madhe.

Shumë observatoriume astronomike nëpër botë, janë të fokusuara në këtë ngjarje të rrallë dhe po e përcjellin, përderisa NASA dhe Agjencia Europiane e Hapësirës, po e shfaqin direkt pamje të këtij fenomeni.

Mërkuri është planeti më i afërt i Diellit dhe planeti më i vogël e më i shpejtë në sistemin solar. Do t’i duhen gjashtë orë e gjysmë për transitin.