Nipi i Adem Jasharit ftohet te U21-shat

Përzgjedhësi i Kombëtares së Kosovës U21, Afrim Tovërlani, ka publikuar listën e lojtarëve të ftuar për kampanjën kualifikuese për Euro 2025.

Në mesin e të ftuarve është edhe Igball Jashari, nipi i heroit Adem Jashari.

Kjo është hera e parë që mesfushori Jashari është ftuar nga Kombëtarja.

Dardanët e rinj do të luajnë dy ndeshjet e fundit të kampanjës kualifikuese për Euro 2025.

Më 11 tetor, në “Fadil Vokrri”, U21-shat do të përballen me mocanikët e tyre polakë, me fillim nga ora 19:00.

Kurse më 15 tetor, në stadiumin “Kadriorg Stadium” në Tallin, dardanët e rinj do të përballen me Estoninë.

Kosova U21 është pjesë e Grupit D në kualifikimet për Euro 2025.

Aktualisht, djemtë e Kosovës renditen në pozitën 4-të, me 12 pikë nga 8 ndeshje. Ka fituar kundër Estonisë si mysafir, dhe ndaj Izraelit në dy ndeshjet e zhvilluara. Ka barazuar me Gjermaninë si mysafir, ndërsa është mposhtur në shtëpi nga të njëjtit. Me Bullgarinë ka barazuar në dy ndeshje, ndërsa është mposhtur nga Polonia si mysafir. /Klankosova.tv