Netanyahu thotë se Amerika s’po e furnizon Izraelin me armë, Washingtoni mohon pretendimet

Kryeministri izraelit Benjamin Netanyahu, i tha kabinetit të tij se kishte pasur një “rënie dramatike” në dërgesat e armëve të ShBA-së për përpjekjet luftarake të Izraelit në Gaza.

Me komentet e tij të dielën, Netanyahu dyfishoi akuzat se aleati kryesor i vendit të tij, Shtetet e Bashkuara, po ndalonte dërgesat e armëve, pavarësisht mohimeve nga administrata Biden.

Netanyahu tha se rënia e dërgesave të armëve filloi katër muaj më parë, pa specifikuar se cilat armë.

Mosmarrëveshja nënvizon tensionin midis Izraelit dhe Washingtonit gjatë gjithë luftës në Gaza.

Pretendimet e mëparshme të Netanyahut mbi armët javën e kaluar ndezën një zhurmë mes kritikëve në Izrael dhe u prit me mohim dhe konfuzion nga zyrtarët e Shtëpisë së Bardhë, shkruan The Guardian, përcjell Klankosova.tv.