Ndeshja e fundit në Meksikë: Sergio Ramos largohet nga Monterrey!

Mbrojtësi 39-vjeçar, Sergio Ramos, i cili kaloi dy sezonet e fundit në Meksikë, ka konfirmuar se nuk do ta zgjasë kontratën e tij me Monterrey dhe do të largohet nga klubi si agjent i lirë.

Pas eliminimit të Monterrey nga gjysmëfinalet e playoff-it të Liga MX Apertura nga Toluca, mbrojtësi me përvojë konfirmoi se kjo ndeshje ishte e fundit e tij me fanellën e klubit meksikan.

Megjithatë, Ramos nuk ka plane të dalë në pension, shkruan Klankosova.tv 

Veterani spanjoll ka shprehur dëshirën e tij për t’u rikthyer në Evropë dhe po shqyrton në mënyrë aktive mundësi të ndryshme. Pavarësisht thashethemeve për interes nga klubet italiane në vitet e kaluara, deri më tani nuk ka dalë asnjë ofertë konkrete.

Gjatë kohës së tij me Monterrey, Ramos bëri 32 paraqitje, shënoi shtatë gola dhe mori një karton të kuq. /Klankosova.tv