Ndërron jetë aktorja e njohur, nuk i mbijetoi plagëve nga aksidenti (FOTO)

Aktorja australiane, Jessica Falkholt, ka ndërruar jetë, tre javë pas aksidentit që pësoi ku vdiqën edhe tre anëtarë të familjes së saj, transmeton Klan Kosova.

29-vjeçarja, e cila luajti “Hope Morrison” në disa episode të dramës “Home and Away” në vitin 2016, vdiq pasi nuk i mbijetoi plagëve të marra.

Falkholt ishte mbijetuesja e fundit e aksidentit të 26 dhjetorit në bregun jugor të Sydneit, i cili menjëherë vrau prindërit e saj Lars dhe Vivian Falkholt dhe shoferin e makinës tjetër Craig Whitall.

Motra 21-vjeçare e aktores, Annabelle vdiq në spital tre ditë më vonë.

Qindra njerëz u mblodhën në një kishë të Sydneit një javë më parë për funeralet e tre anëtarëve të familjes Falkholt.