Napoli “i interesuar” për mbrojtësin e Man Utd

Napoli po ndjek me kujdes situatën e Harry Maguire te Manchester United, me interesin për të transferuar mbrojtësin e kombëtares angleze në Serie A.

Kjo vjen në një moment kur trajneri i Napolit, Antonio Conte, është i etur të forcojë mbrojtjen e tij dhe ka një preferencë të dukshme për lojtarë nga Premier League.

Sipas raportimeve, Maguire, i cili u transferua në Old Trafford nga Leicester në vitin 2019 për 80 milionë paund, është parë si një opsion i mundshëm për të përforcuar mbrojtjen e ekipit italian.

Pavarësisht disa periudhave të vështira që ka kaluar në Manchester United, Maguire ka vazhduar të jetë një lojtar i rëndësishëm për kombëtaren angleze dhe ka marrë vlerësime nga trajneri aktual i “Djajve të Kuq”, Ruben Amorim.

Kjo mund ta bëjë më të vështirë largimin e tij nga klubi anglez, pasi Amorim duket se beson në aftësitë e tij dhe ka vendosur ta mbajë në skuadër.

Megjithatë, raportet sugjerojnë se Napoli është në kërkim të një mbrojtësi me përvojë dhe 31-vjeçari Maguire plotëson këto kritere.

Pas transferimit të suksesshëm të Scott McTominay nga Manchester United, i cili ka pasur një ndikim të dukshëm në Serie A, Conte është bërë më i vendosur për të sjellë një tjetër futbollist nga liga angleze.

Për këtë arsye, ai shikon Maguire si një mundësi tërheqëse për t’u bërë pjesë e mbrojtjes së Napolit, i cili po kërkon një mbrojtës qendror me përvojë.

Përveç Napolit, edhe klube të tjera, si Fenerbahçe dhe Galatasaray, të drejtuara nga José Mourinho, janë raportuar se po monitorojnë situatën e Maguire, duke e konsideruar si një mundësi për forcimin e mbrojtjes së tyre.

Sidoqoftë, në këtë moment, situata e tij te Manchester United duket e paqartë, pasi Amorim ka zgjedhur ta mbajë në formacion dhe e ka përdorur në ndeshjen e fundit ndaj Manchester City, ku Maguire luajti të gjithë 90 minutat në fitoren 2-1 të “Djajve të Kuq”, shkruan Football-italia.net, përcjell Klankosova.tv.