Olise i mbyll derën Real Madridit, ylli francez zgjedh të qëndrojë te Bayern

Olise i mbyll derën Real Madridit, ylli francez zgjedh të qëndrojë te Bayern

Raportimet që e lidhnin Michael Olise me një transferim te Real Madridi nuk janë të vërteta.

Sipas gazetarit Florian Plettenberg, sulmuesi francez nuk ka shprehur dëshirë për t’u bashkuar me Los Blancos, por përkundrazi i ka bërë të qartë Bayern Munichut se synon të vazhdojë karrierën në Allianz Arena.

Kontrata aktuale e Olise me kampionët e Gjermanisë është e vlefshme deri në vitin 2029, megjithatë drejtuesit bavarezë kanë nisur tashmë punën për t’ia zgjatur edhe më tej marrëveshjen.

Sipas raportimeve, kontrata e re do ta shndërronte 24-vjeçarin në një nga tre futbollistët më të paguar të skuadrës.

Bayern Munich e konsideron Olise një pjesë kyçe të projektit dhe e ka bërë të qartë se ai nuk është në shitje.

Klubi nuk ka ndërmend të dëgjojë oferta për francezin, duke e cilësuar atë si një lojtar të paprekshëm për sezonet e ardhshme./Klankosova.tv