Muriqi zyrtarizohet te Fenerbahçe

Vedat Muriqi është rikthyer zyrtarisht te Fenerbahçe, duke nisur një kapitull të ri në karrierën e tij te një nga klubet më të mëdha të futbollit turk.

Klubi nga Stambolli ka konfirmuar transferimin e sulmuesit kosovar përmes një postimi në rrjetet sociale, duke i uruar mirëseardhje ish-lojtarit të tij.

“Mirë se vjen në familjen tonë, Vedat Muriqi”, ka shkruar Fenerbahçe në njoftimin zyrtar, të shoqëruar me dy zemra në ngjyrat e klubit, të verdhë dhe kaltër.

Vedat Muriqi, @MedicanaSaglik Ataşehir Hastanesi’nde sağlık kontrolünden geçti. pic.twitter.com/KxtUFlLzx2

— Fenerbahçe SK (@Fenerbahce) June 19, 2026

Përveç mesazhit të mirëseardhjes, gjiganti turk ka publikuar edhe fotografi nga momenti i nënshkrimit të kontratës, duke konfirmuar rikthimin e bomberit të Kombëtares së Kosovës në “Sukru Saracoglu”.

“Falënderoj me gjithë zemër Presidentin tonë, Trajnerin Oğuz, Trajnerin tonë të dashur İsmail Kartal dhe të gjithë tifozët e vlefshëm të Fenerbahçes që më konsideruan të denjë për këtë fanellë përsëri. Mund të jeni të sigurt se nuk do të hezitoj kurrë të luftoj për këtë emblemë. Mund të them që tani e tutje se do të jem i denjë për këtë fanellë përsëri, si gjithmonë. Shpresojmë që fundi i rrugës të jetë një kampionat.” Ka thënë Ylli kosovar.

Mallorca me postim përshëndetës për Vedat Muriqit

Muriqi rikthehet te Fenerbahçe pas disa vitesh, pasi më parë kishte veshur fanellën e klubit gjatë sezonit 2019/20, ku u dallua me paraqitje të shkëlqyera dhe gola të rëndësishëm në Superligën turke.