Muja shënon gol në fitoren e St. Truidenit

Kjo e shtunë qe ditë e mirë për përfaqësuesin e Shqipërisë, Arbnor Mujën.

Ai arriti të futej në listën e golashënuesve në fitoren 1:3 të ekipit të tij, St. Truiden, ndaj Mechelenit në xhiron e dhjetë të ligës belge.

Shqiptari u inkuadrua në minutën e 18-të, dhe e shpagoi besimin e dhënë nga trajneri.

Ai realizoi nga pika e bardhë për 1:1 në minutën e 74-t, dhe punën tjetër e kreu pjesa tjetër e skuadrës.