Mourinho flet si trajneri i ri i Fenerbahçes: Dua ta ndihmojë Ligën turke, kjo fanellë është lëkura ime

Trajneri portugez, Jose Mourinho ka thënë fjalët e para si trajner i Fenerbahçes.

I emocionuar, Jose ka potencuar se tashmë i takon kësaj familje, duke shtuar se fanella e Fenerit është lëkura e tij, shkruan Klankosova.tv

“Ju premtoj, që nga tani, unë ju përkas juve si familje. Fanella e Fenerbahces është sikur lëkura ime. Faleminderit për dashurinë tuaj për mua. Normalisht një trajner e sheh dashurinë pas ndonjë fitoreje, por unë e shoh këtë dashuri menjëherë. Kjo është një përgjegjësi e madhe. Që nga momenti kur takova presidentin, doja të luaja për ju, sepse ju jeni shpirti i klubit të futbollit. Unë dua të jem trajneri i të gjithë juve”, u shpreh  Mou.

61-vjeçari ka qenë jashtë futbollit që kur u shkarkua si trajner i Romës në janar.