Prishtinë: Dyshohet se ushtroi dhunë ndaj gruas, përfundon në stacion policor

Një rast i dhunës në familje është raportuar në Prishtinë, ku një burrë kosovar dyshohet se ka sulmuar fizikisht një grua kosovare.

Sipas raportit policor, rasti ka ndodhur më 23 korrik 2026, ku i dyshuari është shoqëruar në stacion policor, pasi dyshohet se përveç sulmit fizik ndaj viktimës ka dëmtuar edhe disa gjësende në një lokal, transmeton Klankosova.tv.

Është shoqëruar në stacion policor i dyshuari mashkull kosovar, pasi që dyshohet se kishte sulmuar fizikisht viktimën femër kosovare, dhe po ashtu dyshohet se kishte dëmtuar disa gjësende të lokalit. Me vendim të prokurorit, pas intervistimit palët janë liruar dhe rasti shkon në procedurë të rregullt thuhet në raport.