Miratohet komisioni i KQZ-së për procesin zgjedhor në Mitrovicë, PDK kundër

Komisioni Qendror i Zgjedhjeve ka miratuar rekomandimin për krijimin e komisionit rreth procesit zgjedhor të 9 nëntorit në Mitrovicë të Jugut.

Ishin vetëm dy anëtarët e PDK-së në KQZ që votuan kundër krijimit të komisionit, derisa 9 vota ishin pro miratimit të formimit të tij.

Në këtë komunë, të hënën ishte ndërprerë numërimi i votave në Qendrën Komunale të Numërimit, nën dyshimin për manipulim dhe keqpërdorim të votave, transmeton Klankosova.tv.

Derisa sot, në mbledhjen e KQZ-së, kryetari i këtij komisionit, Kreshnik Radoniqi, bëri të ditur se PZAP ka kërkuar përgjigje për fletëvotimet specifike, që sipas kompanisë CETIS, që shtypi fletëvotimet për zgjedhjet lokale në Kosovë, kishte pasur gabime në shtyp.

Sipas Radoniqit, KQZ mund të ia japë këto përgjigje PZAP-së, vetëm nëse hapen kutitë në Mitrovicë, për çka dhe u votua komisioni.

Fletëvotimet e dyshimta në Mitrovicë, Radoniqi: E vetmja mënyrë është hapja e kutive