Mijëra iranianë bëjnë homazhe, përcillen figurat e vrara ushtarake bërthamore

Mijëra iranianë u mblodhën në Teheran të shtunën për një procesion funeral për komandantët ushtarakë dhe shkencëtarët bërthamorë të vrarë në sulmet izraelite gjatë konfliktit midis Iranit dhe Izraelit këtë muaj.

Arkivolet e të ndjerëve u transportuan me kamionë nëpër rrugë të mbushura me njerëz që ecnin të pikëlluar drejt tyre dhe bënin homazhe, transmeton Klankosova.tv.

Izraeli i dha goditje të rënda komandës së Korpusit të Gardës Revolucionare Islamike gjatë fushatës ushtarake që filloi më 13 qershor, duke vrarë ndër të tjerë komandantin e saj të përgjithshëm, Gjeneral Major Hossein Salami, komandantin e Forcës Hapësinore të IRGC-së Amir Ali Hajizadeh dhe Gjeneral Major Golamali Rashid.

IRGC mbikëqyr programin e raketave balistike të Iranit, i cili konsiderohet nga ekspertët si më i madhi në Lindjen e Mesme. Ajo lëshoi breshëri raketash drejt Izraelit gjatë konfliktit të fundit, siç bëri vitin e kaluar gjatë shkëmbimeve të zjarrit.

Autoritetet iraniane kanë kryer një valë arrestimesh dhe ekzekutimesh të shumta të personave të dyshuar për lidhje me agjencitë e inteligjencës izraelite, pas luftës së fundit midis dy vendeve.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.