Më shumë se 260 palestinezë janë arrestuar nga forcat izraelite gjatë armëpushimit

Më shumë se 260 palestinezë u arrestuan nga forcat izraelite në Bregun Perëndimor gjatë periudhës së armëpushimit tashmë të skaduar, sipas Shoqatës Palestineze të të Burgosurve.

Grupi ka rishikuar numrin e arrestimeve disa herë këtë javë. IDF-ja ka pranuar publikisht të paktën 100 arrestime gjatë armëpushimit përmes njoftimeve për shtyp.

Në një përditësim të mëvonshëm, shoqëria dhe Komisioni i Çështjeve të të Paraburgosurve thanë se 12 të tjerë u arrestuan të premten, raporton CNN, transmeton Klankosova.tv.

“Rrjedhimisht, 3.400 raste arrestimi janë regjistruar që nga 7 tetori, përfshirë ata që u arrestuan nga shtëpitë e tyre, postblloqet dhe të tjerë që u dorëzuan nën kërcënim dhe u mbajtën si pengje”, thuhet në deklaratën e përbashkët.

IDF-ja tha të premten se që nga fillimi i luftës, 2.100 palestinezë në Bregun Perëndimor ishin arrestuar, 1.100 prej të cilëve thotë se kishin lidhje me Hamasin.