“Më shkatërroi fshehurazi jetën”, Britney Spears akuzon nënën se qëndron pas idesë për kujdestari

Britney Spears të martën ka akuzuar nënën e saj Lynne, se ishte arkitektja e konservatorit që I kufizoi çdo lëvizje për 13 vitet e fundit, duke bërë një postim të ‘ashpër’ në Instagram, I cili ndër të tjera thoshte: “Ti e di saktëisht se çfarë ke bërë”.

Spears, 39 vjeçare, e fshiu shpejt postimin në të cilin nisi një sulm befasues ndaj nënës së saj.

Lynne Spears është përpjekur të mbajë anën e Britney në grindjen me babanë e saj Jamie, ish-burrin e saj, sa i përket kujdestarisë.

Por këngëtarja i ka refuzuar vazhdimisht propozimet e saj dhe të martën tha se nëna e saj ishte fajtorja e vërtetë në gjithë këtë punë.

“Babai im nuk është aq I zgjuar sa të mendojë ndonjëherë për një kujdestari”, tha Britney.

Këngëtarja ka postuar një mesazh në Instagram ku shkruan: “Kafsha më e rrezikshme në botë është një grua e heshtur e buzëqeshur”.

“Babai im mund të ketë filluar konservatorin 13 vjet më parë… por ajo që njerëzit nuk e dinë është se nëna ime është ajo që i dha atij idenë. Nuk do t’i kthej kurrë ato vite. Ajo më shkatërroi fshehurazi jetën”, tha këngëtarja.

Spears më pas e fshiu postimin dhe e zëvendësoi atë me një që dukej se po festonte lajmin se babai i saj ka kërkuar zyrtarisht përfundimin e kujdestarisë, duke i thënë gjykatësit në Los Angelos, se ai po e braktis menjëherë rolin e tij dhe nuk dëshiron pagesë të mëtejshme, transmeton Klankosova.tv.