Mbretërit e Katalonjës? Real Madrid ‘gjunjëzon’ Espanyolin dhe “paralajmëron” Barçën: “Shihemi në Camp Nou”

Real Madridi ka siguruar një fitore jetike 0-2 si mysafir ndaj Espanyolit, duke i prishur festën e titullit Barcelonës dhe duke përgatitur skenën për një përplasje titanësh vikendin e ardhshëm.

Me dy gola të shënuar nga Vinícius Jr. në pjesën e dytë, ekipi i Ancelottit ka mbajtur gjallë shpresat matematike, duke e ngushtuar diferencën në 11 pikë. Ky rezultat do të thotë se fati i kampionatit do të vendoset javën e ardhshme direkt në “El Clasico”, raporton KlanKosova.tv.

Barcelona do të kërkojë të kurorëzohet kampione përballë rivalit të tyre të përjetshëm, ndërsa Madridi udhëton drejt Katalonjës me misionin e vetëm: të parandalojë turpërimin e festës në sytë e tyre.

Me këtë fitore, Real Madridi e ka çuar garën në pikën më kritike të mundshme. 11 pikë diferencë, 4 ndeshje deri në fund. Nëse Barcelona fiton ose barazon në El Clasico, ata shpallen kampionë zyrtarisht. Madridit i duhet vetëm fitorja në ‘Camp Nou’ për ta shtyrë dramën edhe për një javë tjetër. Kanë shpëtuar nga kurorëzimi i Barçës në distancë, vetëm për t’u përballur me mundësinë e kurorëzimit të tyre ballë për ballë./KlanKosova.tv.