Milani pranë transferimit të talentit Aurelien Guernier

Milan është shumë pranë finalizimit të transferimit të Aurelien Guernier, një prej talenteve më premtues të gjeneratës së vitit 2007.

Anësori i majtë është lojtar i lirë pas largimit nga Birmingham City, ndërsa klubi italian do të paguajë vetëm kompensimin për formimin (training compensation) ndaj klubit anglez, sipas rregullave të FIFA-s, transmeton Klankosova.tv.

Guernier konsiderohet një investim për të ardhmen e Milanit. Plani i klubit është që 19-vjeçari të jetë pjesë e programit mes ekipit të parë dhe Milan Futuro, ku do të ketë mundësi të zhvillohet gradualisht, duke qenë nën vëzhgimin e stafit teknik të kuqezinjve.

Milani beson se francezi ka potencial të madh dhe synon ta integrojë në projektin afatgjatë të klubit