Mbi 34,000 njerëz në Evropë të prekur nga fruthi dy muajt e parë të 2019 NULL NULL 07.05.2019 15:00 07.05.2019 15:00 Më shumë se 34,000 njerëz në Evropë janë prekur nga fruthi në dy muajt e parë të vitit 2019. Pothuajse tre të katërtat e rasteve ishin në Ukrainë, tha sot Organizata Botërore e Shëndetësisë, ndërsa u bëri thirrje vendeve të sigurojnë që njerëzit e cenueshëm të vaksinohen. Deri tani 13 persona kanë vdekur nga 34,300 raste të raportuara në 42 vende në rajonin e OBSH të Evropës, që përfshin Rusinë dhe disa vende të Lindjes së Mesme. Njerëzit në Ukrainë – që po vuajnë një epidemi të fruthit – vdiqën nga infeksioni. Gjithashtu raste të vdekjeve pati edhe në Rumani dhe Shqipëri. Shpërthimet mund të vazhdojnë të përhapen, paralajmëroi OBSH, dhe shifrat sugjerojnë se do të ketë më shumë raste këtë vit se sa vitin e fundit, duke reflektuar një rritje në mbarë botën.
