Lojtari i NBA e lë basketbollit, fokusohet në shëndetin e tij mendoj

Lojtar i  Cleveland Cavaliers në NBA, Ricky Rubio, bëri të ditur se do të pushojë nga basketbolli në mënyrë që të mund të fokusohet në shëndetin e tij mendor.

Ky lajm vjen pak përpara se shokët e tij të kombëtares spanjolle të mbrojnë titullin e tyre të Kupës së Botës FIBA.

Rubio, i cili pritej të ishte pjesë e skuadrës spanjolle që do të garojë në Kupën e Botës që ka filluar më 25 gusht në Filipine, Japoni dhe Indonezi, u shpall lojtari më i vlefshëm i edicionit më 2019.

“Kam vendosur të ndaloj aktivitetin tim profesional për t’u kujdesur për shëndetin tim mendor” .

“Do të kërkoja që të respektohej privatësia ime në mënyrë që të përballem me këto momente dhe të mund të jap më shumë informacion kur të jetë koha e duhur” shkruan Reuters, transmeton Klankosova.tv.

32-vjeçari Rubio, i cili u zgjodh i pesti në përgjithësi në Draftin e NBA-së 2009, humbi pjesën më të madhe të dy sezoneve të fundit ndërsa u rikuperua nga një dëmtim.

Rubio u rikthye në lojë në janar dhe shënoi mesatarisht 5.2 pikë, 3.5 asistime për ndeshje me Cavaliers.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.