Lindën të ngjitura, përfundon me sukses operacioni i ndarjes së binjakeve

Binjaket nga Butani të lindura të ngjitura, të cilat udhëtuan për në Australi për t’u ndarë, janë kthyer në shtëpi këtë javë, duke përfunduar një udhëtim vajtje-ardhje gati 12,000 milje për të kryer operacionin që ua shpëtoi jetën.

Nima dhe Dawa Pelden, së bashku me nënën e tyre, Bhumchu, mbërritën në Butan të enjten.

“Të gjithë australianëve pranë dhe larg, të cilët më dërguan dashurinë dhe mbështetjen e tyre, ju të gjithë më dhanë shpresë dhe buzëqeshje në fytyrë, duke më ndihmuar t’i kaloj disa kohë të tmerrshme”, ka thënë Bhumchu.

Bijat e saj lindën të ngjitura në stomak dhe u rritën përballë njëra-tjetrës, të paafta për të lëvizur në mënyrë të pavarur.

Ato u dërguan në Australi në tetor për operacionin për t’i ndarë ato.

Kjo procedurë përfundoi duke marrë rreth gjashtë orë dhe përfshiu rreth 25 kirurgë, infermierë dhe anestezistë.

Pas operacionit të suksesshëm, Dr. Joe Crameri, kreu i kirurgjisë pediatrike në Spitalin Mbretëror në Australi, tha se ishte një “lehtësim” dhe një “gëzim”.