Lideri  i NBA-së e nis mbarë (VIDEO)

Lideri i NBA-së, Phoenix Suns, ka shënuar fitore ndaj New Orleans Pelicans me rezultat 110:99 në kuadër të ndeshjes së parë të playoffit.

Chris Paul shkëlqeu me dyshifror të dyfishtë duke shënuar 30 pikë e 10 asistime, përcjellë nga Devin Booker që realizoi 25 pikë.

Në anën tjetër, CJ McCollum pati po aq pikë sa Bookeri, 25, dhe njëherësh më së shumti te skuadra e tij.

Tanimë Suns po udhëheq 1:0 në seri teksa synon që të kthehet serish në finalet e NBA-së ku ishte vitin e kaluar.