Lakers fitojnë lojë playoff-i në shtëpi pas nëntë vjetësh

Los Angeles Lakers sezonin e kaluar u shpallën kampionë por playoff-i ishte zhvilluar në terrene neutrale shkaku i masave anti-COVID.

Kështu, edhe pse kampionë në fuqi, Verdh e Vjollcët e shënuan fitoren e parë në shtëpi, gjegjësisht  në “Staples Center”, pas nëntë vjetësh.

Anthony Davis udhëhoqi vendësit drejt fitores me 34 pikë e 11 kërcime.

Në anën tjetër, DeAndre Ayton me 22 pikë e 11 kërcime ishte i pari te Suns.

Me këtë fitore Lakers udhëheq 2:1 në serinë ndaj Suns.