Ky është zyrtari policor që e shpëtoi tifozin mitrovicas në palestrën “Minatori”

Sot gjatë ndeshjes së Trepçës me Pejën, një tifozit i ka rënë të fikët duke iu rrezikuar seriozisht jeta, derisa iu është shpëtuar nga një zyrtar policor.

Siç merr vesh Klan Kosova, Fatlum Shaqiri, pjesëtar i FIT, ka qenë duke e parë ndeshjen së bashku me kolegë të tjerë nga policia, derisa ka dëgjuar zhurma nga turma, që dikush është në gjendje të rëndë dhe ka kaluar pjesën e hekurave për t’i dalë në ndihmë.

Derisa pak më parë, Trepça ka bërë të ditur se tifozi është në gjendje të mirë.

Ndryshe, Trepça ka fituar ndeshjen e parë gjysmëfinale ndaj Pejës, me rezultat 75-68. /Klankosova.tv/