Kukaj e AAK-së: Kemi fond prej 10 milionë eurove për bizneset start-up (VIDEO)

Kandidatja për deputete e AAK-së, Diellza Kukaj, ka thënë se programi qeverisës i koalicionit të udhëhequr nga kjo parti është hartuar tash e dy vite.

Kukaj tha se më shumë janë fokusuar te pjesa e ofrimit të programeve të reja arsimore, që iu krijon mundësi që të rinjtë të kenë ndërlidhje me tregun e punës.

“Mandej, ideja e start-up, bizneseve të reja. Gjithmonë e dimë që problemi më i madh është me fillimet e reja të bizneseve. Për start-up është një fond prej 10 milionë eurove dhe i dedikohet start-upeve për bizneset e reja, edhe për gratë dhe të rinjtë”.

“Kemi të rinj në listë, i kemi më shumë se 14 të rinj nën moshën 30-vjeçare që janë pjesë e listës dhe ky është një indikator i rëndësishëm për atë se sa rinia mund të jetë e përfaqësuar”, tha ajo në Rubikon në Klan Kosova.