Krasniqi në konventë: Prej pesë vitesh Kosova është në krizë, institucionet janë degraduar

Memli Krasniqi ka nisur fjalimin e tij në konventën e Partisë Demokratike të Kosovës, duke thënë se prej pesë vitesh Kosova është në krizë.

Ai u shpreh se institucionet janë degraduar dhe sipas tij, ekonomia ka stagnuar e siguria është dobësuar.

“Prej pesë vitesh populizmi e zëvëndësoi profesionalizmin dhe punën, zhurma e zëvëndësoi politikbërjen, impriovizimi e zëvëndësoi kompetencën”.

“Institucionet janë degraduar dhe ekonomia ka stagnuar, mirëqenia e qytetarëve është përkeqësuar, siguria është dobësuar e reputacioni ndërkombëtarë i vendit është dëmtuar”.

“Qytetarët sot janë më pak të sigurt, më pak shpresë të plotë dhe më pak të përfaqësuar, e vërteta është e qartë, Kosova është në krizë dhe kjo krizë dhe kjo krizë kërkon përgjegjësi, seriozitet dhe një forcë të bashkuar e të gatshme për të qeverisur”, u shpreh Krasniqi./Klankosova.tv